Presidente Autoridade Nasional Komunikasaun (ANC.IP) Sr. Flávio Cardoso Neves hamutuk ho Administrador Tékniku Sr. Novelino dos Santos Partisipa iha serimonia lansamentu servisu tryout internet banda larga kabu submariñu ne’ebé organiza husi Ministériu Transporte no Komunikasaun, iha Bebonuk.
Servisu tryout internet banda larga kabu submariñu ne’e lansa husi Vice Primeiru Ministru, Ministru Koordenador Asuntu Ekonómiku (VPM) Interinu, atual Ministru Transporte No Komunikasaun Eng. Miguel Marques Gonçalves Manetelu, akompaña husi Ministru Planeamentu Investimentu Estratéjiku (MPIE) Sr. Gastão Francisco de Sousa, Ministra Finansas Sra. Santina José Rodrigues Viegas Cardoso no reprezentante Embaixada Australia iha Timor-Leste.
Enkuantu serimonia ne’e partisipa mós husi operador telekomunikasaun tolu Timor Telecom, Telemor, Telekomsel nomos Internet Services Provider (ISP), inklui funsionáriu tékniku sira.