09/07/2024, Salaun enkontru TIC Timor, Caicoli, Díli – Ministériu Transporte no Komunikasaun liu husi Autoridade Nacional de Comunicações (ANC) hamutuk ho TIC Timor,I.P no Diresaun Nacional Infraestruturas e Comunicação (DNIC) realiza enkontru ho operador telekomunikasaun tolu hanesan Timor Telecom, Telkomsel no Telemor kona ba koordenasaun servisu ba vizita pastorál Papa Francisco mai Timor-Leste durante loron tolu (3) hahu husi loron 9 – 11 setembru 2024.
Objetivu enkontru koordenasaun servisu ho operador telekomunikasaun tolu ne’e atu iha preparasaun ne’ebé diak hodi servisu hamutuk no husu operador telekomunikasaun sira nia apoiu masimu hodi aumenta kapasidade liña internet durante vizita pastorál Papa Francisco mai Timor-Leste.
04-07-2024, Salaun Enkontru ANC, Caicoli, Díli – Bazea ba pedidu audénsia husi Conselho de Imprensa, Presidente Interinu Autoridade Nacional de Comunicações (ANC) Sr. Flávio Cardoso Neves akompaña husi ekipa tékniku ANC hala’o enkontru ho Presidente Conselho de Imprensa de Timor Leste Sr. Otelio Ote ho nia ekipa hodi deskute kona ba estabelese akordu kooperasaun entre instituisaun rua nudár baze legal hodi hamutuk buka forma entedimentu atu promove servisu hamutuk ne’ebé diak entre instituisaun rua hodi fó lisensa frekuénsia ba Meus Komunikasaun Sosiál radiufoniku no televizivu tuir artigu 26 lei komunikasaun sosiál ne’ebé hateten Meu Komunikasaun Sosiál Radiufoniku no televizivu sira bele funsiona bainhira iha lisensa frekuénsia ne’ebé Autoridade Nasional Komunikasaun maka sei fó ho karta akompañamentu husi Conselho de Imprensa.
Pontu prinsipál iha sorumutu ne’e atu oinsa iha entendimentu ne’ebé hanesan hodi hamosu akordu ida ne’ebé iha benefisiu mutua entre ANC ho Conselho de Imprensa tanba Conselho de Imprensa labele hakat liu kuandu lisensa diretu antena ne’e la mai husi ANC.
10/06/2024, Fundação Oriente, Administrador Técnico ANC nian, Sr. Vidal dos Santos Gomes, reprezenta Presidente ANC hodi partisipa no hanesan mos orador iha seminariu ne'ebe realiza husi redEsperansa Timor-Leste, ho topiku "Internet Freedom, Digital Rigths and Community Network in Timor-Leste" hamutuk ho orador sira seluk hanesan iha eventu refere.
24/05/2024, Salaun enkontru ANC – Presidente Interino Autoridade Nacional de Comunicações (ANC) Sr. Flávio Cardoso Neves akompaña hosi Diretor Tékniku Regulador ANC Sr. Vidal dos Santo Gomes nomos Asesor Prinspal no Tékniku enkontru ho Administradora delegada Timor Telecom, S.A Sra. Rita Sampaio Nunes ho ekipa hodi deskute kona ba situasaun atual setor telekomunikasaun iha Timor Leste no kabu submarinu ne’ebé sei mai iha tempu badak.
20-24/05/2024, Pennsylvania, USA, Technical Regulator Professional ANC, Mr. Pio C. Tilman Soares had participated the Spectrum Management, Spectrum Auction Design and ICT accessibility by Persons with Disabilities courses, organized by Center for Executive Education in Technology Policy at Carnegie Mellon University in partnership with the Digital Connectivity and Cybersecurity Partnership, US Department of State. Objective of that course was intended for people with a professional interest in spectrum policy, which could include those at a spectrum regulator, those involved in legislation that affects spectrum regulation, and those in the private sector with an interest in spectrum policy.
23-25/04/2024, Dubai, UAE, Tekniku Regulador Professional ANC, Sr. Fabio de Magalhães no Sr. Pio Clemente Tilman Soares, partisipa iha Global CyberDrill ne'ebe organiza husi Uniaun Internasional Telekomunikasaun (UIT) no Konsellu Siber Seguransa Emirados Árabes Unidos (EAU) ho objetivu atu lori hamutuk Autoridade Nasional Siber Seguransa, Ajénsia seguransa sira, no mós CERTS/CIRTs/CSIRT husi 100+ nasoens tomak hodi promove kooperasaun no parseria globál hodi hamenus ba ameasa siber. Eventu refere iha mos aktividades Exhibition ne'ebé partisipa 750+ vendors ne'ebe hatudu sira-nia teknolojia, prototípiu no konseitu vizaun, konferensia ne'ebé lider indústria hamutuk 350+, peritus sira ne'ebé iha naran-boot, no entuziazmu sira kona-ba siber seguransa halibur hamutuk hodi esplora tendénsia foun, fahe informasaun, no explora inovasaun iha área siber seguransa, iha mos treinamentu no semináriu sira ne'ebe lidera husi profisionál no treinador sira ne'ebé ho esperiénsia, liu husi sesaun formasaun GISEC Global nian ne'ebe fó oportunidade úniku ida atu dezenvolve kle'an iha área espesífiku siber seguransa no hetan esperiénsia ba pratika nian.
22/04/2024, SaLaun enkontru ANC – Diretor Tékniku Regulador Autoridade Nacional de Comunicações (ANC) Sr. Vidal dos Santos Gomes akompaña hosi Koordenador Protesaun Konsumidor Sr. Nazário Jerónimo halo enseramentu ba estudante estájiarius hosi Ensino Secundário Técnico Vocacional No.2 Lospalos hodi entrega mós sertikadu ba estudante sira ne’ebé kompleta ona estájiu iha ANC. Estudante Estájiarius hirak ne’e hala’o sira nia estájiu iha ANC durante fulan tolu hahu hosi loron 22 Janeiru to’o loron 22 Abril 2024. Programa estájiu ida ne’e regular no obrigatoriu ba estudante ensino secundário téknico vocacional sira atu sira iha abilidade no koñesimentu kona ba merkadu servisu no bele pratika direta iha servisu fatin nune’e, sira bele prepara an no prontu ba asesu merkadu servisu no sai servidor ne’ebé diak.
Ensino Secundário Técnico Vocacional No.2 Lospalos iha departamentu tolu hanesan kontabilidade, Jestaun Ekipamentu Informatika no Komersiu.
18-04-2024, Salaun enkontru ANC – Diretór Tékniku Autoridade Nacional de Comunicações (ANC) Sr.Vidal dos Santos Gomes hamutuk ho tékniku regulador Eng. Fabio Magalhães ho Eng. Pio Clemente simu audénsia hosi ekipa redEsperansa.tl no Kalohan Akadémiku atu aprezenta inisiativa redEsperansa.tl kona ba internet komunitária non-lukrativu ho non-Komersial iha Timor-Leste.
redEsperansa.tl hahu funda iha tinan 2022 ho konsorsiu sosial entre Fundação Naroman Esperança, East Timor Coffee Institute (ETCI), Instituto Católico para a formação de Professores (ICFP) nomos guifi.net
22/03/2024, Parlamentu Nasional – Parlamentu Nasional liu hosi Komisaun E trata asuntu infraestrutura halo audiénsia públika ho Ministériu Transporte no Komunikasaun ho ajénsia autonomu ne’ebé tutela direta ba MTC. Iha Audiensia ne’e Presidente Interinu Autoridade Nacional de Comunicações (ANC) Sr. Flávio Cardoso Neves akompaña hosi Diretór Servisu Korporativu Sr. Julião S. dos Reis ho apoiu tékniku finanseira Sra. Georgina E. da S. Garcia halo aprezentasaun relatóriu ezekusaun orsamentu 2023 ANC nian ba parlamentu nasional. Enkuantu audiénsia públika ne’e partisipa hosi Kargu Xefia MTC, AACTl, ANATL, APORTIL ho TIC TIMOR.
16/03/2024, ANC, Eng. Renato Hildebrand da Costa, hanesan funsionariu tekniku junior iha area desenvolvimentu iha Autoridade Nacional de Comunicações (ANC) halo aprezentasaun ba Diretor Tekniku ANC, funsionarius ANC sira no alin estajiariu Informatika sira iha salaun enkontru ANC, kona-ba ninian planu asaun ho topiku Implementasaun Internet Exchange Point (IXP) nomos esperensia nebe nia hetan durante treinamentu KCCP konaba “ICT PROJECT PLANNING” iha Kobe, Japaun, ne’ebe organiza husi JICA no Kobe Institute of Computing (KIC).
12–13/03/2024, Salaun Nobre MNEC – Diretor Servisu Korporativu ANC Sr. Julião Soares dos Reis ho Sr. Fausto Belo hanesan Rekursu Umanu ANC partisipa iha Seminário dos Pontos Focais Setoriais Nacionais para a CPLP durante loron rua (2) ne’ebé mak organiza hosi Ministério dos Negocios Estrangeiros e Cooperação liu hosi diresaun nasional Comunidade dos Países de Língua Portuguesa (CPLP). Semináriu ne’e kona ba kooperasaun CPLP ba fontu fokal liña ministeriál hanesan atividade integrada programa XLVII reuniaun pontu fokal kooperasaun CPLP. Durante seminariu pontu fokal hosi liña ministeriál sira diskute, troka ideias, fó sujestaun ho liña ministeriál sira hodi fortalece kolaborasaun ho CPLP.
19/02/2024 - 01/03/2024, Brasília, Brasil, Eng. Olívio Salvador Ximenes hanesan funsionariu tekniku junior iha area Seitor Regulasaun ANC, partisipa kursu ho tema "Alta Formação em Desafios Contemporâneos do Ecossistema Digital". Ne'ebe organiza husi "Centro de Altos Estudos em Comunicações Digitais e Inovações Tecnológicas (Ceadi)" husi ANATEL no kolaborasaun ho Universidade de Brasília (UnB). Kursu ne'e foka liu iha fórmula híbridu no direitu ba funsionárius husi Ajénsia Reguladora sira iha nasaun membru sira husi ARCTEL-CPLP. Iha kursu ne'e diskute konseitu importante sira liuhusi regulasaun ho objetivu atu fó fundamentu ba dezizaun sira relasionadu iha área telekomunikasaun.
16-23/02/2024, Singapore, Technicals Regulator Professional of ANC Mr. Pio Clemente Tilman Soares had participated in the Workshop on Cybersecurity organized by the Singapore-US Third Country Training Programme (TCTP). The course aims to complement existing ASEAN initiatives and provided a platform for sharing best practices on the national, regional, and international levels. The course was covering topics such as the development of national cybersecurity confidence building measures private-Public partnership as well as the framework for responsible state behavior in cyberspaces.
27-29/02/2024, MTC, Dili, International Telecommunications Union (ITU) iha kolaborasaun ho Autoridade Nacional de Comunicações (ANC) organiza ona Avaliasaun ba Maturidade Timor-Leste Computer Incident Response Team (CIRT). Loron dahuluk entrevista ho membru sira husi Ekipa Resposta ba Insidente Seguransa Komputadora Timor-Leste nian (TLCSIRT), loron daruak no datoluk fahe kona-ba kapasitasaun téknika no ezersísiu sira hanesan Jestaun CyberCrisis no introdús instrumentu balun ba plataforma ameasa Cyber Intelligence no Seguransa Responde ba Insidente. Iha eventu ne'e envolve partisipante maizumenus na'in 20 ho parte interesada sira ne'ebé reprezenta ajénsia governu balun no akadémiku.
15/01/2024 - 17/02/2024 Kobe, Japan, Junior Technicals Regulator of ANC Mr. Renato H. da Costa had participated in the KCCP Training on Capacitiy Building for ICT Project Planning (B) organized by JICA and Kobe Institute of Computing (KIC). The objective of that program was to obtain skills and improve capacities for “Project Planning” to solve various issues through the application of ICT. The participants of this program were comes from Bangladesh, Belize, Timor-Leste, Grenada, Kiribati, Laos, Iran, Mongolia, Nigeria, Thailand, Tonga and Ukraine.
07/02/2024, Salaun Enkontru ANC, Caicoli – Autoridade Nacional de Comunicações (ANC) hala’o enkontru ho TIC Timor, operador telekomunikasaun Timor Telecom, Telkomsel no Telemor ne’ebe lidera hosi Koordenador Protesaun Konsumidor Sr. Nazario Jeronimo no akompaña hosi tékniku regulador Eng. Pio Clemente ho Eng. Fabio de Magalhaes. Enkontru ne'e kolia kona-ba "Routing Public IP hudi TIC Timor ba iha Router Operadores nian atu nune'e bele fasilita publiku hodi asesu ajendamentu online ba portal ajendamentu.mj.gov.tl la liu husi internet, maibe rede lokal deit.
06/02/2024, Salaun MTC, Caicoli-Presidente Interinu ANC Sr. Flávio Cardoso Neves hamutuk ho Diretores no Asesores sira partisipa iha serimonia tomada pose ba Membru Konsellu Administrasaun Air Navigation of Timor-Leste (ANATL E.P.) periodu 2024–2028 no entrega relatóriu servisu hosi estrutura sesante ba Membru Konsellu Administrasaun ANATL.EP foun nomos entrega sertifikadu rekoñesimentu ba membru konsellu administrasaun ANATL.EP anterior. Serimonia ne’e partisipa hosi Ministru Transporte no Komunikasaun S.E. Eng. Miguel Marques Gonçalves Manetelo ho Diretores no kargu Chefias tomak, Vise I PN, MPIE, SECOMS, Presidente Komisaun E, Komisariu Funsaun Públiku, Kargu Xefia MTC, Ajensia Autonomia no funsionáriu.
22/01/2024 - 02/02/2024 Universitas Indonesia, Indonesia, Technicals Regulator Professional of ANC Mr. Fabio de Magalhaes had participated in the Training on Cybersecurity Analyst (CySA+) & How To Make Top Management Aware of Cybersecurity organized by JICA - idCARE in Universitas Indonesia. The goals of CySA+ focus on understanding the knowledge and skills required to detect and analyze indicators of malicious activity, understand threat intelligence and threat management, respond to attacks and vulnerabilities, perform incident response, and report and communicate related activity. The Top Management focuses on understanding how to make decision-makers (CEO and other board-level management) understand the importance of cybersecurity and practice it. This training had participants from Laos, Cambodia and Timor-Leste.
22/01/2024, MTC- Bazea ba despacho husi Gabinete Primeiro Ministro Nú.010/GPM/I/2024, nomeasaun presidente interinu ANC ne’ebé públika iha Jornal Republika nomea Sr. Eng. Flávio Cardoso Neves hodi substitui Sr. João Oívio Freitas ne’ebé termina ona mandatu. Kargu Xefia ANC hamutuk ho funsionáriu simu Presidente Interinu Autoridade Nasional de Comunicações (ANC) Sr. Eng. Flávio Cardoso Neves, hafoin simu Presidente Interinu ANC hala’o kedas enkontru ho kargu xefia ANC, funsionáriu no asesor iha Salaun enkontru ANC.
12/01/2024, Naval Hera - Diretór Servisu Korporativu ANC Sr. Julião Soares dos Reis partisipa iha aniversáriu komponente naval ba dala XXII ho tema “Naval Forte – Tasi Seguru”. Komemorasaun ba komponente naval nudár mós aktu ida hodi memoriza no presta omenajem ba camaradas de luta sira ne’ebé barak luta ho ita no balun ne’ebé sei hamutuk iha ita nia leet maibé sofre moras oioin. Iha ne’e fó omenajem no ezemplu ba luta libertasaun nasional ne’ebé kontinua fó inspirasaun ba ita hotu liuliu ba feto no mane ne’ebé hola parte iha komponente naval nia mahon. Komponente naval mai hosi organizasaun ida ne’ebé mai hosi kultura bazeia ba komponente umanu sira ne’ebé servi ba komponente militar ida ne’e. Militar hotu hotu maka riku soin no validoso esensial relevante tebes ba servisu naval nian hodi atua reforma desiziva ba kapasidade asaun no sai fator determinante ba susesu.
22-12-2023, Kwer Sunset Metiaut, Dili– Ministériu Transporte no Komunikasaun liu hosi Autoridade Nacional de Comunicações (ANC) halo avaliasaun dezempeñu servisu ANC tinan 2023 no refleksaun hamutuk ho kargu xefia no funsionárius. Enkuantu Iha avaliasaun ne’e halo mós aprezentasaun hosi diresaun tékniku regulador kona ba servisu tékniku ne’ebé aprezenta hosi Eng. Pio Soares, Setor Desenvolvimentu (Ciber Seguransa) aprezenta hosi Eng. Fabio de Magalhães, Diresaun Servisu Korporativu Aprezenta hosi Diretór Sr. Julião S. dos Reis, servisu protesaun konsumidor aprezenta hosi Kordenador Sr. Nazário Jerónimo, servisu unidade aprovisionamentu no kontratasaun aprezenta hosi Kordenador Sr. Carlito D. Machado. Partisipa iha avaliasaun ne’e mai hosi Ministru Transporte no Komunikasaun S.E. Eng. Miguel Marques Gonçalves Manetelu, Kargu Xefia MTC, Asesor, TIC Timor, AACTL nomos funsionáriu ANC.
23–28/11/2023, Brasil – Diretor Servisu Korporativu ANC Sr. Julião Soares dos Reis Partisipa iha seminariu ne’ebé promove hosi Agência Nacional de Telecomunicações (ANATEL) kona ba Segurança Cibernética, Inteligência Artificial e Habilidades Digitais no Mercosul.
27/11/2023 – 01/12/2023, Diretor Tekniku ANC, Sr. Vidal dos Santos Gomes, partisipa iha eventu ITU Interregional Forum ba Europa no ASIA-Pasifika kona ba CyberDrill iha Nasaun Cyprus ho topiku “On Critical Information Infrastructure Protection and the Role of national CSIRTs in Ensuring Cyber Resillience”. Forum ne’e iha mos ezersisiu kona ba oinsa atu atende no halo defeza ba ciber seguransa “State of Cybersecurity in Asia Pacific and Europe regions”, ezersisiu ne’e rasik aprejentador sira mai husi expert ITU nian no Asia-Pasifik ho Europa hodi halo teste no oinsa responde ba situasaun emerjénsia.
Iha Forum Interregional ne’e partisipa masimu hosi nasaun sira iha Europa no ASIA-Pasifika inklui Timor-Leste.
04/12/2023, MTK – Ministru Transporte no Komunikasaun (MTK) Eng. Miguel Marques Goncalves Manetelu sai nudár inspektur ba serimonia isar bandera nacional RDTL ne’ebé mak Autoridade Nacional de Comunicações (ANC.IP.) responsavél ba isar bandera nasional semana dahuluk fulan Dezembro. Serimonia isar bandera ne’e partisipa masimu hosi kargu Xefia, funsionáriu MTK no Ajénsia autonomu sira.
14/11/2023, Salaun enkontru ANC - Presidente Autoridade Nacional de Comunicações (ANC) Sr. João Olívio Freitas akompaña hosi Diretor Servisu Korporativu Sr. Julião Soares dos Reis ho Koordenador Protesaun Konsumidor Sr. Nazário Jeronimo simu vizita hosi Ministériu Komersiu no Industria (MKI) ho asistensia hosi United Nations Conferences on Trade and Development (UNCTAD) ne’ebé hahu ona inisiativa hodi kria polítika komersiu eletronika iha Timor Leste. Iha vizita ne’e halo diskusaun kona ba konsultasaun ba dezenvolvimentu estratejia nasional komersiu eletroniku.
09/11/2023, Salaun ANC – Ministériu Transporte no Komunikasaun (MTK) liu hosi Autoridade Nacional de Comunicações (ANC) hala’o enkontru koordenasaun ho ekipa hosi Ministériu Edukasaun kona ba oferta servisu internet satelite ba konektividade eskola ne’ebé sei fasilita hosi International Telecommunication Union (ITU) liu hosi INTELSAT hodi identifika eskola lima ne’ebé sei asesu internet gratuita durante tinan tolu. Iha enkontru ne’e lidera hosi Presidente ANC Sr. João Olivio Freitas no akompaña hosi Xefi Gabinete MTK, Diretores ho asesor sira.
07/11/2023, Suai Room-Timor Plaza, Diretor Servisu Korporativu ANC Sr. Julião Soares dos Reis, Koordenador Protesaun Konsumidor Sr. Nazário Jeronimo ho Asesor Juridico Sr. Adilson Semedo partisipa iha konsultasaun ba dezenvolvimentu estratéjia Nasional Komérsiu Eletroniku. Ministériu Komersiu no Industria realiza Konsultasaun ida ne’e nudar diskusaun tékniku ne’ebé sei foka iha area hitu inklui framework and institutional coordination, legal and regulatory frameworks, ICT infrastructure, electronic payment solutions, acces financing, trade logistics and digital entrepreneurship. Ho objetivu atu mellora ambiente negosiu, enkuadramentu polítiku no regulamentu sira relasiona ho komérsiu eletróniku.