Díli, 11 Dezembru 2025 – Prezidente Interinu Autoridade Nasional Komunikasaun no Atual Administradór Tekniku (ANC.IP) Sr. Novelino dos Santos ho ekipa tékniku regulador partisipa iha segundu reuniaun Joint Committee kona-ba setór komunikasaun entre Ministériu Transporte no Komunikasaun Timor-Leste no Ministériu Komunikasaun Digital Indonesia, iha Novo Turismo, Bidau, Lecidere.
Objetivu husi sorumutu ne’e, nu'udar enkontru kontinuasaun bilateral ne’ebé inisia ona iha fulan Outubro tinan 2024, No ohin kontinua ho reuniaun bá daruak ne'ebé sei hala'o durante loron rua, hahu husi loron 11-12 Desembru 2025, hodi promove kooperasaun ida ne’ebé, konkreta iha área xave sira husi postal, sistema aplikasaun, Servisu telekomunikasaun no radio komunikasaun.
Iha enkontru bilateral Sub-Komité refere, Autoridade Nasionál Komunikasaun (ANC) énfaze ba ajenda prinsipál rua, maka hanesan servisu telekomunikasaun no rádiu komunikasaun.
Entertantu Prezidente Interinu ANC.IP, Sr. Novelino Dos Santos lidera diskusaun Teknika sub-comite iha sesaun Servisu Telekomunikasaun, ne’ebé foka ba asuntu estratéjiku hanesan mekanizmu lisensiamentu transfronteriju no atualizasaun kona-ba dezenvolvimentu infraestrutura telekomunikasaun iha Timor Leste.
Enkuantu, iha sesaun Rádiu Komunikasaun lidera husi Sr. Norberto Soares, Diskusaun kona-ba espektru frekuénsia, jestaun ekipamentu rádiu.
Enkontru ne'e loke husi Diretor Jerál Transporte no komunikasaun Sr. Constantino Ferreira no partisipa husi Asesór Ministru, TIC-TIMOR, Postais, GPPK no Gabinete DJTC.