Dili, 9 Dezembru 2025 – Prezidente interinu Autoridade Nasionál Komunikasaun (ANC IP.) no atual Administradór Tekniku Sr. Novelino Dos Santos partisipa iha Diskusaun Painél liu husi Programa Klik Smart for youth iha Salaun IOB Fomentu Dili.
Programa Click Smart for Youth hanesan inisiativa ida ne’ebé hetan apoiu husi Governu Estadus Unidus, Programa ida-ne'e hakarak Juventude sira iha koñesimentu no abilidade literasia dijitál, partikularmente hodi rezolve dezafiu sira iha era dijitál.
Iha forum diskusaun ne’e, Prezidente interinu afirma ANC IP. nu’udar reguladór nasionál atu garante servisu komunikasaun ne’ebé seguru, legál, no inkluzivu hodi proteje direitu konsumidór dijitál sira, Mandatu ida-ne'e sai hanesan fundasaun ida hodi permite apoiu jerasaun foun atu sai utilizadór dijitál ne’ebé krítiku, kriadór konteúdu ne’ebé responsavel, no sidadaun dijitál ne’ebé iha konxiénsia kona-ba siberseguransa.
Entertantu, Diskusaun painel ne'e partisipa oradores sira Mai husi Xefe Gabinete no Asesor Prinsipál MTK Sr. José da Costa, S.E. Elvina Sousa Carvalho (SEII) ne'ebé Reprejenta husi Diretora Maria Filomeno Babo, Sr. Alexandre Pires (ChildFund) .
Eventu ne'e abertura husi Reprezentante Embasadóra Estadus Unidus Amerika, Sra. Shine Wann-Cortes, no partisipa husi Reitor Institute of Business (IOB), Dr. Pedro Barreto Ximenes, S.T., M.M ho Vice Reitor I, Sr. Vasio Sarmento Soares, S.Kom.