Iha loron 17 Janeiru 2019 Membru Konsellu Administrasaun Autoridade Nacional de Comunicações (ANC), iha Salaun Konferensia Ministériu Transporte no Komunikasaun simu posse husi Ministru Transporte no Komunikasaun, S.E. Sr. José Agustinho da Silva. Membru hirak nebe’e simu posse mak: Sr. João Olívio Freitas, nu'udár Prezidente Ezekutivu Konsellu Admistrasaun ANC, Sra. Georgina Emilia da Silva Garcia nu'udár Administradora Financeira Ezekutiva Konsellu Admistrasaun ANC no Sr. Gabriel de Jesus nu'udár Administrador Naun- Ezekutivu Konsellu Admistrasaun ANC ba periode tinan 5.
Iha serimonia tomada de posse ne’e S.E. Sr. José Agustinho da Silva hateten katak tomada de posse refere halo bazeia ba Resolusaun Governu Nº. 25/2018, loron 18 dezembru 2018, kona-ba nomeasaun ba Membru Konsellu Administrasaun Autoridade Nacional de Comunicações hodi bele asegura nafatin funsionamentu instituisaun no implementasaun responsabilidade hotu instituisaun ne’e ninian, baseia ba Dekretu-Lei no. 15/2012, ba tinan lima (5) oin mai.
Last Update