Administrador Tékniku Autoridade Nasional Komunikasaun (ANC.IP) Sr. Novelino dos Santos akompaña Ministru Transporte no Komunikasaun Eng. Minguel Marques Goncalves Manetelu hodi partisipa serimónia isar bandeira nasionál, iha komemorasaun loron proklamasaun independénsia unilaterál Repúblika Demokrátika Timor-Leste (RDTL) ba dala 50 ne'ebé ho tema “ 𝙌𝙪𝙚 𝙖 𝙘𝙚𝙡𝙚𝙗𝙧𝙖çã𝙤 𝙙𝙚𝙨𝙩𝙚 50 𝙖𝙣𝙤𝙨, 𝙙𝙤𝙨 𝙥𝙖𝙨𝙨𝙖𝙙𝙤, 𝙣𝙤𝙨 𝙖𝙨𝙨𝙚𝙜𝙪𝙧𝙚 𝙘𝙤𝙣𝙛𝙞𝙖𝙣ç𝙖 𝙣𝙤 𝙥𝙧𝙚𝙨𝙚𝙣𝙩𝙚 𝙚 𝙚𝙨𝙥𝙚𝙧𝙖𝙣ç𝙖 𝙣𝙤 𝙛𝙪𝙩𝙪𝙧𝙤”, iha Kampu Demokrátika Gleno Munisípiu Ermera.
Komemorasaun loron proklamasaun ne’e, Ministru Transporte no Komunikasaun (MTK) Eng. Miguel Marques Gonçalves Manetelu mak sai nudár inspektur hodi halo leitura ba Diskursu S.E. Prezidente RDTL Dr. José Ramos Horta nian ba komunidade sira iha Munisípiu Ermera.
Alénde ne’e aprezenta mós animasaun oi-oin hanesan, Drum Band, Dansa Tradisional, Múzika Kore Metan, Poézia no Jogo Tradisionál hanesan dada tali, sa'e bua no atribui mós premiu ba manan na’in sira ne'ebé halo ona kompetisaun ba Jogu Futsal, Dansa Tradisional no Múzika Kultura.
Enkuantu parisipa iha serimónia ne’e mai husi Autoridade Munisipál, Veteranus, Diretores Servisu Munisipais no Nasional, Prezidente Ajénsia tuteladu sira, Delegasaun Teritorial, Liña Ministeriais, PNTL, F-FDTL, Estudante, Funsionáriu husi nasional no munisipiu, no Komunidade.