Uniaun Internasional Telekomunikasaun (UIT) no Konsellu Siber Seguransa Emirados Árabes Unidos (EAU) lansa ona Global CyberDrill ho naran GISEC 2024 iha Dubai, Emirados Árabes Unidos (EAU) husi 23-25 Abril 2024. Objetivu atu lori hamutuk autoridade nasional siber seguransa, ajénsia seguransa, no mós CERTS/CIRTs/CSIRT husi 108 nasaun sira hodi promove kooperasaun no parseria globál hodi hamenus ba ameasa siber. Timor-Leste mos hola parte iha eventu global ida ne'e liu husi partisipasaun Sr. Fabio de Magalhaes no Sr. Pio Clemente S. Tilman nudar Tékniku Regulador iha Autoridade Nacional de Comunicações.
Eventu refere foka liu oinsa hare baa papél importante ne'ebé husi parte nasionál sira hala'o husi sentru siber seguransa no ekipa resposta emerjénsia komputadór (CERT) iha mundu tomak atu hasa'e reziliensia ba siber no salvaguarda ba kritika informasaun infraestrutura.
Global CyberDrill 2024 iha Dubai hetan premiu husi Guinness World Record sai hanesan exersísiu sibernétiku ne'ebe boot iha mundu ne'ebe konvida 108 nasun sira iha mos aktividades Exhibition ne'ebé partisipa 750+ vendors ne'ebe hatudu sira-nia teknolojia, prototípiu no konseitu vizaun, iha mos konferensia ne'ebé lider indústria hamutuk 350+, peritu sira ne'ebé iha naran-boot, no entuziazmu sira kona-ba siber seguransa halibur hamutuk hodi esplora tendénsia foun, fahe informasaun, no explora inovasaun iha área siber seguransa, iha mos treinamentu no semináriu sira ne'ebe lidera husi profisionál no treinador sira ne'ebé ho esperiénsia, liu husi sesaun formasaun GISEC Global nian ne'ebe fó oportunidade úniku ida atu dezenvolve kle'an iha área espesífiku siber seguransa no hetan esperiénsia ba pratika nian.
Aktividade husi loron dahuluk nakloke ba CSIRT, parte governu, regulador, operador telekomunikasaun, universidade, akademia, produtor ekipamentu telekomunikasaun, institutu peskiza no dezeñu, dezenvolvimentu software, no parte interesada sira seluk husi Estadu-membru ba ITU. Sessaun dahuluk koalia kona-ba Global Cyber Resilience: Strengthening International Collaboration for a Secure and Interconnected World, sessaun daruak kona-ba Advancing Cyber Diplomacy: Perspectives from Incident Response and Diplomatic Communities on UN Cybersecurity Norms and their Implementation no sessaun datolu kona-ba The Role of Intergovernmental and International Organizations in Countering Cyber Threats.
Iha Loron daruak nian loke ba membru ekipa sira husi autoridade nasional siber seguransa, ajénsia nasional siber seguransa, nune'e mós CSIRT/CERT/CIRT. Iha sessaun Global CyberDrill ne'ebe mak nia exersísiu liu husi skenariu no skenariu dahuluk kona-ba "APT DFIR and Threat Hunting" lidera husi Sr. Marwan Ben Rached, nudar Cybersecurity Coordinator, ITU no Sr. Digit Oktavianto, nudar Cybersecurity Consultant, ITU. Exersísiu ne'e asessu liu husi plataforma Cyber Ranges ne'ebe mak sai manan nain ba skenariu ne'e husi nasaun Egito (Egypt).
Iha Skenariu daruak nian kona-ba "Cyber Incident Response, Analysis, Recovery and Cooperation with law enforcement" lidera husi Sra. Alya Al-Saadi, nudar Cybercrime Programme Coordinator no Sr. Ibrahim Al-Mahmoud, nudar Cyber Capabilities Development Coordinator iha exersisiu ida ne'e manan nain husi nasaun Albania no Timor-Leste mos konsegue tama to pozisaun dasia husi 108 nasaun sira ne'ebe mak partisipa.
Iha skenariu datolu kona-ba The use of OSINT Techniques to Identify Perpetrators of Cyber- Attacks ne'ebe mak lidera husi Sr. Endrik Raun, Programme Management Officer, UNCCT no Sr. Christofis Lysandrou Pallaris, consultant, UNCCT iha exersisiu ida ne'e manan nain husi nafatin husi nasaun Albania.
Globál CyberDrill 2024 halo iha konseitu temátiku ba prinsipál haat:
- Reflesaun: Halibur komunidade globál siber seguransa hodi halo revizaun ba tendénsia siber seguransa iha global no rejionál hodi konsidera hadi'ak liu tan bazeia ba pilár lima husi Ajenda Global Siber Seguransa (GCA sigla Ingles) no Indise Global Siber Seguransa (GCI sigla Ingles).
- Fahe: Promove no fahe koñesimentu kona-ba rede komunikasaun ne'ebé bele fo benefisia, no troka rekursu sira ne'ebé iha fundu.
- Aprende: Harii kapasidade ba komunidade CSIRT sira iha resposta insidente no protesaun informasaun krítiku ba infraestrutura (CIIP).
- Pratika: Teste resiliensia operasionál liu husi konseitu ba xave husi komunidade CSIRT/CIRT/CERT.