Díli, 20 Fevereiru 2025, Autoridade Nasional Komunikasaun (ANC.IP) liu husi Presidente Interinu Sr. Novelino dos Santos hala’o enkontru semanal ho ekipa teknika Regulasaun, Fiskalizasaun, no funsionáriu sira hodi deskuti progresu implementasaun Technical Trial konektividade bá Fibra Ótika husi Díli - RAEOA.
Enkontru ne’e foka ba planu kontinuasaun, desenvolvimentu SOP, no artikulasaun ba kuesionáriu fiskalizasaun ba Internet Service Provider (ISP) sira ne’ebé hetan autorizasaun hodi operasionaliza hela Servisu iha terrenu.
ANC.IP hatudu kompromisu atu asegura transparénsia no imparsialidade iha implementasaun trial ne’e, tuir Dekretu-Lei No. 15/2012 i No. 31/2024. Hodi fó orientasaun klaru ba ISP sira atu kumpre rekizitu regulatóriu, obrigasaun, no protokolu sira ne’ebé aplikável.
Operadores no Internet Service Provider (ISP) sira ne’ebé hetan Autorizasaun atu halo Technical Trial mak hanesan ;
1. Timor Telecom, S.A.
2. VIETTEL Timor, Unip. Lda. (Telemor)
3. TELIN.S.A (Telkomcel)
4. Apurva Unip. Lda.
5. Gonsoa Unip. Lda.
6. METROLink, Lda.
7. Gardamor ISP, Lda.
8. Morapido Net Unip. Lda.
9. Sacomtel, Lda.
ANC.IP kontinua hala’o monitorizasaun no fiskalizasaun ho rigorozu atu asegura implementasaun trial ne’e la'o ho di'ak hodi bele kontribui ba dezenvolvimentu Seitor Telekomunikasun iha Timor-Leste.