Díli, 11 Fevereiru 2025 – Autoridade Nacional de Comunicações (ANC.IP) hamutuk ho Ajénsia Kooperasaun Internasional Japaun (JICA) realiza treinamentu durante loron haat (4) ba Profesionál Tékniku Informatika (IT), iha Salaun Correios, Kintal Ki’ik.
Treinamentu ne’e foka kona ba programa esensiál sira hanesan Ethical Hacking ne’ebé kobre konseitu fundamentál sira kona-ba seguransa informasaun. Partisipante sira ho abilidade presiza atu identifika ameasa seguransa informasaun nian ne'ebé iha era digital, avalia postura seguransa organizasaun nian no implementa kontrolu seguransa jerál sira.
Treinamentu ida ne'e mós dezeña ba sira ne'ebé iha interese atu aprende fundamentu kona-ba seguransa informasaun no hacking étika, liliu sira ne'ebé hakarak hala'o kareira iha área ida-ne'e. Instrutor ba treinamentu ne’e husi Indonesia Cyber Awareness and Resilience Center (sigla idCARE.UI) no apoiu husi JICA Project Cybersecurity Human Resources for Professional iha Indonesia.
Partisipa iha treinamentu ne’e mai husi instituisaun governu no universitariu sira.