Díli, 30 Jullu 2025 – Prezidente Autoridade Nasional Komunikasaun (ANC.IP) Sr. Flávio Cardoso Neves hamutuk ho Administradora Finansas Sra. Georgina Emilia da Silva Garçia hala’o enkontru ho operador telekomunikasaun, iha salaun enkontru ANC, Kaikoli.
Objetivu husi enkontru hodi halo diskusaun kona ba; tempu ba prosesu renovasaun lisensa nian hodi garantia klareza no aliñamentu ho ezijénsia regulatoriu sira, revizaun ba kustu espektru no kondisaun asosiadu sira atu rezolve preokupasaun husi indústria nian iha kuadru polítika nasionál telekomunikasaun, envolvimentu kolaborativu entre operador ho ANC hodi haburas relasaun serbisu ida ne'ebé estruturadu no benefisiál ba malu iha supervizaun regulatóriu ANC nomos asuntu pertinentes seluk ne’ebé relevante.
Enkuantu partisipa iha enkontru ne’e mai husi ezekutivu operador telekomunikasaun ho ekipa inklui asesor sira.