Administradora Finansas ANC.IP Sra. Georgina Emilia da Silva Garcia partisipa iha reuniaun entre Ministériu Transporte no Komunikasaun (MTK) ho delegasaun husi Autoridade Nacional de Comunicações (ANACOM) Portugal, iha Salaun ANC, Caicoli.
Reuniaun ne’ebé prezide husi Diretór Jerál Transporte no Komunikasaun Sr. Constantino Ferreira Soares no Xefe Delegasaun ANACOM Prof. Manuel Cabugueira ho objetivu deskute kona-ba kooperasaun servisu ne’ebé antes ne’e iha ona entre ANACOM no Autoridade Nasionál Komunikasaun (ANC.IP) Timor-Leste hodi estabelese mekanizmu ida ba kooperasaun téknika no institusionál iha matéria sira ne’ebé relasiona ho atividade entidade rua nian, nu’udar órgaun regulador nasionál ba setór komunikasaun, atu nune’e iha futuru kontinua hametin kooperasaun hodi fó kapasitasaun ba diresaun no ajénsia sira ne’ebé tulela ba iha MTK.
Enkuantu partisipa iha reuniaun ne’e husi TIC Timor, Diresaun Nasionál Infraestrutura no Komunikasaun (DNIK) inklui Asesor sira.