Likisá, 23 Agostu 2025 - Administradór Tékniku Autoridade Nasionál Komunikasaun (ANC.IP) Sr. Novelino dos Santos partisipa iha serimónia lansamentu koneksaun liña internet ba eskola lima iha âmbitu projetu kooperasaun entre Ministériu Transporte no Komunikasaun (MTK) ho INTELSAT nomós lansamentu ba jornál parede dijitál ne'ebé koopera ho Sekretaria Estadu ba Komunikasaun Sosiál (SEKOMS).
Lansamentu internet ba Eskola lima ne’e mak hanesan Escola Sekundáriu Jerál Públiku Dom Martinho da Costa Lopes Maliana, Kolejiu Santo Inacio Loiola Kasait Likisa, Eskola Téknika Profissional Dom Bosco FatumaKa, Baukau, Eskola Sekundariu Jerál Públiku Dom Boaventura Manufahi, Same, no Eskola Sekundáriu Jerál Públiku Nino Conis Santana Gleno, Ermera.
Projetu ne'e, lansa husi Ministru Transporte no Komunikasaun Eng. Miguel Marques Gonçalves Manetelu akompaña husi Ministra Edukasaun Sra. Dulce de Jesus Soares, Sekretariu Estadu ba Komunikasaun Sosiál Sr. Expedito Dias Ximenes, reprejentante INTELSAT nomós reprezentante eskola.
Entertantu serimonia ne’e halao iha Koléjiu Santo Inácio Loiola, Kasait, Munisípiu Likisa.