Events

In order to inform the general public about activities of the ANC with regard to its responsibilities and roles as the regulator of the communications sector, the ANC publishes in this page, a digest of events in the form of photos and short descriptions.

27/11/2023 – 01/12/2023, Diretor Tekniku ANC, Sr. Vidal dos Santos Gomes, partisipa iha eventu ITU Interregional Forum ba Europa no ASIA-Pasifika kona ba CyberDrill iha Nasaun Cyprus ho topiku “On Critical Information Infrastructure Protection and the Role of national CSIRTs in Ensuring Cyber Resillience”. Forum ne’e iha mos ezersisiu kona ba oinsa atu atende no halo defeza ba ciber seguransa “State of Cybersecurity in Asia Pacific and Europe regions”, ezersisiu ne’e rasik aprejentador sira mai husi expert ITU nian no Asia-Pasifik ho Europa hodi halo teste no oinsa responde ba situasaun emerjénsia.
Iha Forum Interregional ne’e partisipa masimu hosi nasaun sira iha Europa no ASIA-Pasifika inklui Timor-Leste.

04/12/2023, MTK – Ministru Transporte no Komunikasaun (MTK) Eng. Miguel Marques Goncalves Manetelu sai nudár inspektur ba serimonia isar bandera nacional RDTL ne’ebé mak Autoridade Nacional de Comunicações (ANC.IP.) responsavél ba isar bandera nasional semana dahuluk fulan Dezembro. Serimonia isar bandera ne’e partisipa masimu hosi kargu Xefia, funsionáriu MTK no Ajénsia autonomu sira.

09/11/2023, Salaun ANC – Ministériu Transporte no Komunikasaun (MTK) liu hosi Autoridade Nacional de Comunicações (ANC) hala’o enkontru koordenasaun ho ekipa hosi Ministériu Edukasaun kona ba oferta servisu internet satelite ba konektividade eskola ne’ebé sei fasilita hosi International Telecommunication Union (ITU) liu hosi INTELSAT hodi identifika eskola lima ne’ebé sei asesu internet gratuita durante tinan tolu. Iha enkontru ne’e lidera hosi Presidente ANC Sr. João Olivio Freitas no akompaña hosi Xefi Gabinete MTK, Diretores ho asesor sira.

07/11/2023, Suai Room-Timor Plaza, Diretor Servisu Korporativu ANC Sr. Julião Soares dos Reis, Koordenador Protesaun Konsumidor Sr. Nazário Jeronimo ho Asesor Juridico Sr. Adilson Semedo partisipa iha konsultasaun ba dezenvolvimentu estratéjia Nasional Komérsiu Eletroniku. Ministériu Komersiu no Industria realiza Konsultasaun ida ne’e nudar diskusaun tékniku ne’ebé sei foka iha area hitu inklui framework and institutional coordination, legal and regulatory frameworks, ICT infrastructure, electronic payment solutions, acces financing, trade logistics and digital entrepreneurship. Ho objetivu atu mellora ambiente negosiu, enkuadramentu polítiku no regulamentu sira relasiona ho komérsiu eletróniku.

24/10/2023, Salaun Multiusos GMN Bebora – Diretor Servisu Korporativu ANC Sr. Julião Soares dos Reis ho Koordenador Aprovisionamentu no Kontratasaun Sr. Carlito Dinis Machado partisipa iha semináriu HYBRID MULTICLOUD DRIVING BUSINESS TRANSFORMATION ne’ebé realiza hosi kompañia Esperansa Timor Oan (ETO-TELCO). Objetivu hosi sermináriu ne’e atu partilla informasaun iha aréa teknolojia, informasaun no komunikasaun hodi bele dezenvolve sistema dijitalizaun iha Timor Leste. Partisipa iha seminariu ne’e Ministru Transporte no Komunikasaun (MTK) S.E. Eng. Miguel Marques Gonçalves Manetelu, TIC TIMOR I.P, Prezidente GMN Sr. Jorge Serano, TradeInvest Timor Leste, Funsionáriu hosi Parlamentu Nasionál, Ministériu Finansas, Operador Telekomunikasaun, Universitáriu hosi UNTL, UNPAZ, IOB nomos grupu ICT iha Timor-Leste.

11/10/2023, Centro de Convenções de Baucau - Kooperasaun entre Autoridade Nacional de Comunicações (ANC) ho Associação de Defesa dos Consumidores de Timor-Leste (TANE KONSUMIDOR) ne’ebé mak estabelese iha loron 9 Maiu 2022 atu asegura no defende diretu konsumidor iha servisu telekomunikasaun mak ANC ho TANE KONSUMIDOR kontinua sosializa knár no responsabilidade ANC tuir dekretu lei Nú.15/2012, 28 Marsu iha Munísipiu Baucau ho objetivu prinsipal atu partilla informasaun kona ba diretu konsumidor nian iha servisu setor telekomunikasaun. Partisipa iha sosializasaun ne’e mai husi Reprezentante Presidente Autoridade Munísipiu Baucau ne’ebé mak reprezenta hosi Xefe Gabinete Sr. Carolino Marques, Administrador Postu, Xefe Suku, Xefe Juventude, ema ho defisiensia, sosiedade sivil, reprezentante PDHJ, Estudante, PNTL, F-FDTL, Pesoal Saúde, reprezentante operador telekomunikasaun Timor Telecom, Telkomcel, Telemor, Ajénsia Autonomu seluk tan.

18/09/2023, Salaun MTC – Autoridade Nacional de Comunicações Timor Leste (ANC) ho Autoridade Nacional de Comunicações Portugal (ANACOM) realiza formasaun durante semana ida hahu hosi loron 18 – 22 Setembru 2023 kona ba Ação de Cooperação sobre Cibersegurança e Segurança e integridade das redes e Serviços de Comunicações Eletrónicas, ba tékniku sira hosi ANC, TIC Timor, DNIC ho operador telekomunikasaun tolu hanesan Timor Telecom, Telemor no Telkomcel. Objetivu hosi formasaun ne’e atu halo auditoria ba rede no servisu telekomunikasaun hodi bele garante rede ne’ebé seguru.
Formasaun ida ne’e hanesan asaun ida hosi koperasaun bilateral teknika entre ANC ho ANACOM ne’ebé mak asina MoU iha tinan 2021 no implementa ona akordu refere iha tinan 2022, liu hosi haruka funsionáriu tékniku ANC ba iha ANACOM hodi tuir formasaun nomos iha fulan juñu liu ba peritu ANACOM nian mai iha Timor Leste hodi fó formasaun ba tékniku ANC kona ba halo análiza no estudu ida ba kualidade servisu no kobertura rede telemunikasaun iha Timor-Leste.

15/09/2023, Salaun enkontru ANC – Ministériu Administrasaun Estatal liu hosi programa das Nações Unidas para o desenvolvimento (PNUD) delega asesora ho konsultor internasional UNDP hodi halo reuniaun ho Diretor Tékniku Regulador ANC Sr. Vidal dos Santos Gomes no akompaña hosi Asesor Jurídiku Sr. Adilson Semedo no Asesor Prinsipal Sr. José Lay. Iha runiaun ne’e konsultor sira halo aprezentasaun kona ba atu elabora estratejia e-governance ba Munisipiu Timor-Leste. Asaun ida ne’e atu introdus iha ambitu projetu Strengthening Integral Local Development by Building the Capacities of the Municipal Authorities”, ne’ebé buka apoiu prosesu dezentralizasaun liu hosi inisiativa ne’ebé fortalese kapasidade lokal.

12/09/2023, Salaun enkontru ANC – Diretor Servisu Korporativu ANC Sr. Julião Soares dos Reis akompaña hosi funsionáriu rekursu umanu no logistika Sra. Adelia dos Reis Kebo ho Sra. Carmelita Tolentino hala’o reuniaun ho ekipa hosi Diresaun Jeral Jestaun Patrimoniu Estadu kona ba Monitorizasaun no avaliasaun jestaun frota iha liña ministériu/instituisaun estadu. Avaliasaun ida ne’e bazea ba politika jestaun frota ministériu/instituisaun estadu ne’ebé maka define iha Dekretu-Lei Nú. 80/2022 kona ba regulamentu veikulu estadu. Objetivu atividade monitorizasaun no avaliasaun ida ne’e atu identifika produtividades utilizasaun veikulus estadu hanesan referensia atu halo melloramentu ba jestun ne’ebé rigor hodi bele kontribui ba efisiensia no efetividade iha regras nia utilizasaun no bele define politika integrada ba kapasitasaun ba ofisial sira.

08/09/2023, Salaun MTK - Diretór Tékniku Regulador Autoridade Nacional de Comunicações (ANC) Sr. Vidal dos Santos Gomes ho Diretór Servisu Korporativu Sr. Julião Soares dos Reis, partisipa iha reuniaun ajustamentu programa Ministériu Transporte no Komunikasaun tinan 2024 nian ne’ebé mak MTK realiza atu ajénsia autonomu nomos diresaun sira ne’ebé mak tutela ba iha MTK hodi ajusta programa tinan 2024 tuir programa IX governu konstitusionál.
Reuniaun ne’e lidera hosi Sua. Excêlencia Ministru Transporte no Komunikasaun Eng. Miguel Marques Gonçalves Manetelo no partisipa hosi Diretór Jerál, Diretór Nasional, Diretór Munisípiu, ANC, TIC Timor, ANATL, AACTL no APORTIL.

18-08-2023, Salaun Administrasaun Munisípiu Viqueque – Ministériu Transporte no Komunikasaun liu hosi Autoridade Nacional de Comunicações (ANC) hamutuk ho Asosiasaun TANE KONSUMIDOR soaliza knár no responsabilidade ANC bazeia ba dekretu lei Nú.15/2012, 28 Marsu nomos direitu konsumidor nian iha servisu telekomunikasaun. Programa sosializasaun ne’e ANC halo ona iha munisípiu Manufahi, Lospalos, Ermera no tuir planu sei halo iha munisípiu hotu ho objetivu atu dezamina informasaun nesesariu hodi tulun populasaun Timor-Leste uainhira utiliza servisu telekomunikasaun. Partisipa iha sosializasaun ne’e mai husi Reprezentante Administrador Munísipiu Viqueque, Administrador Postu, Xefe Suku, Xefe Juventude, ema ho defisiensia, sosiedade sivil, Estudante, PNTL, reprezentante operador telekomunikasaun Timor Telecom, Telkomcel, Telemor, Ajénsia Autonomu, DNIC no seluk tan.

11/08/2023, Suai Room-Timor Plaza, Autoridade Nacional de Comunicações (ANC) realiza seminariu nasional ho topiku "Girls in ICT Day Timor Leste 2023", ho tema "Digital Skills for Life", ne’ebe ho objetivu prinsipal atu mellora liu tan koñesimentu feto foin sa’e sira iha area (STEM) siénsia, teknolojia, engeñaria no matematika, ho eventu ida ne’e bele enkoraja estudante feto sira nia hanoin atu iha planu edukasaun ida ne’ebé mak diak nune’e remata estudu iha ensinu sekundaria bele iha ona koñesimentu hodi kontinua sira nia estudu iha universidade ba area STEM nian.
Programa ida ne’e hetan apoiu hosi ITU no parseiru sira hanesan Embaixada Australia iha Dili, JICA, nomos patriosinador sira hanesan Metrolink, Timor Telecom, Telemor no Telkomcel. Partisipa iha eventu ne’e mai hosi Sekretaria Estadu ba Igualdade no Inkluzaun S.E.Sra. Elvina de Sousa Carvalho, Diretor Regional ITU ba Asia no Pasifico Dr. Atsuko Okuda, Reprezentante Embaxador Australia ba Timor Leste, Chefi Reprezentante husi JICA Dr. ITO Mimpei , Reprezentante UNICEF, Operador Telekomunikasaun Timor Telecom, Telkomcel no Telemor, Empreza ISP, TIC Timor, AACTL, ANATL, APORTIL, Estudante Sekundaria, Akademia no seluk tan.

01–04/08/2023, Salaun Konferensia MTK, Autoridade Nacional de Comunicações (ANC) hamutuk ho formador senior Sr. Imtiaz Sajid ho Sr. Makito Lay hosi APNIC (the Asia Pacific Network Information Centre) realiza workshop kona ba IPv6 Deployment and IXP Deployment Tutorial durante loron 4 ba tékniku hosi entidante relevante sira ho objetivu atu eleve koñesimentu no kapasidade hodi adapta ba teknolojia ne’ebé mak avansadu. Partisipa iha workshop ne’e mai hosi Policia Nacional Timor Leste (PNTL), TIC Timor, Komisaun Anti Korupsaun (KAK), Banku Central Timor Leste (BCTL), DNIC, Operador Telekomunikasaun Timor Telecom, Telemor no Telkomcel, Empreza ISP sira, Akademia, Tékniku Regulador ANC no seluk tan.

28/07/2023, Salaun Konferensia MTK, Presidente Conselho Administrasaun Autoridade Nacional de Comunicações (ANC) Sr. João Olívio Freitas ho ekipa partisipa reuniaun preparasaun ba komite revizaun orsamentu ratifikativu 2023, ne’ebé lidera hosi Ministru Transporte no Komunikasaun S.E. Sr. Miguel Marques Gonçalves Manetelo. Partisipa iha reuniaun ne’e mai hosi instituisaun sira ne’ebé tutela ba iha MTK hanesan ANC, AACTL, ANATL, APORTIL, DNIC, Diresaun Meteorologia, TIC Timor no seluk tan.

03/07/2023, Salaun Konferensia MTC, Caicoli-Presidente Konsellu Administrasaun ANC Sr. João Olívio Freitas ne’ebé akompaña mos hosi Diretor Servisu Korporativu Sr. Julião S.dos Reis, Kordenador Protesaun Konsumidor sr. Nazário P. Jerónimo no Kordenador UAC Sr. Carlito Dinis Machado partisipa iha serimonia entrega servisu no relatoriu hosi Ministru Sesante Sr. José Agustinho da Silva ba Ministru Transporte no Komunikasaun atual Sua. Excêlencia Sr. Miguel Marques Gonçalves Manetolu.

19/10/2023, Salaun Konferensia MTK – Presidente Autoridade Nacional de Comunicações (ANC) Sr. João Olívio Freitas ho ekipa partisipa iha serimonia termu entrega servisu ba kargu diresaun no xefia iha diresaun sentrais ministériu transporte no komunikasaun bazea ba desizaun komisaun funsaun públika númeru 5740/2023/CFP.

21-23/06/2023, Suai Room-Timor Plaza, Ministériu Transporte no Komunikasaun liu hosi Autoridade Nacional de Comunicações hamutuk ho ARCTEL (Associação de Reguladores de Comunicações e Telecomunicações da CPLP) realiza XII Reunião de Intercâmbio das Autoridades de Comunicações de Língua Portuguesa (RIA 2023) ne’ebé mak ho tema “Cabos Sumarinos Regular a Connectividade”, eventu intercâmbio ida ne’e atu troka ideia, fahe esperensia ba malu ho delegasaun autoridade regulador CPLP nian kona ba kabu submarinu tanba Timor-Leste agora iha hela prosesu investimentu ba kabu fibra optika. Partisipa iha eventu ne’e mai hosi Presidente Repúblika José Ramos Horta, Ministru Transporte no Komunikasaun José Agostinho da Silva, Liña Ministériu sira, Ajensia Autonomu, PNSIK, PCIC, Operador telekomunikasaun no akademia.

15/06/2023, Maubara Room, Timor Plaza, Kooperasaun entre ANC ho ANACOM (Autoridade Nacional de Comunicações Portugal), Tékniku ANACOM halo kapasitasaun ba funsionariu tékniku regulador ANC kona ba avaliasaun QoS ho QoE Rede Móvel iha Timor Leste durante loron haat (15,16,19,20 Juñu 2023).

15-16/05/2023, Hotel Timor, Presidente ANC Sr. João Olívio Freitas akompaña hosi Diretór Tékniku Regulador Sr. Vidal dos Santos Gomes, Asesor Prinsipal Sr. José Lay no Asesor Legal Sr. Adilson Semedo partisipa iha Worskshop ne’ebé Ministério Justisa ho Global Action on Cybercrime Extended Project (GLACY+) hosi Konsellu Europa organiza kona ba krime sibernetika ho objetivu prinsipal sei reforsa kapasidade entidades estadu no aplikasaun lejislasaun iha matéria krime sibernetika ho provas eletrónika nomos reforsa kapasidade lejislasaun ne’ébé efetividade iha kooperasaun internasional.

14/04/2023, Salaun Don Bosco Comoro Dili, Diretór Servisu Korporativu ANC Sr. Julião Soares dos Reis no akompaña hosi Rekursu Umanu Sr. Fausto Belo partisipa serimonia graduasaun ba formandu Sentru Formasaun Profesional Don Bosco Comoro tinan akademiku 2022. Serimonia ne’e entrega sertifikadu nivel I ba formandu iha area Konstrusaun Jeral no Administrasaun Jeral nomos sertifikadu nivel II ba formandu Administrasaun, Automekaniku, Eletrisidade, Soldadura, Karpintaria, Pedreiro, Kanalizasaun no AC.

27-31/03/2023, São Tomé e Príncipe, Delegasaun ANC husi Timor-Leste ne’ebé lidera hosi Administrador Tékniku Sr. Vidal dos Santos Gomes nudár Xefe delegasaun no akompaña hosi Administrador Naun-Ezekutivu Sr.Fernando da Silva no Asesor Juridiku Dr.Adilson Semedo partisipa iha XV Assembleia Geral da ARCTEL e no 13º Fórum de Comunicações da CPLP hodi diskute kona ba revizaun estatutu organizasaun “ARCTEL” no partisipa mós iha diskusaun ba setor postal iha regulasaun no Forum das Comunicações CPLP ne’ebé mak hetan partisipasaun masimu hosi nasaun membru sira hanesan: ANACOM-Portugal, ANATEL-Brazil, ARME-Cabo Verde, INCM-Moçambique, INACOM-Angola, ARN-Guinea Bissau, AGER-Sao Tome e Principe, ANC-Timor Leste no ORTEL-Guinea Equotorial.

30/03/2023, Centro de Convenções de Dili (CCD), Presidente ANC Sr. João Olívio Freitas, Diretór Servisu Korporativu Sr. Julião Soares dos Reis no funsionáriu partisipa iha lansamentu ofisial Bus Damri ho Marka Babadok Express ne’ebé lansa husi Presidente Repúblika José Ramos no akompaña husi Ministru Transporte no Komunikasaun José Agustinho da Silva, Embaixador Indonesia iha Timor Leste Okto Dorinus Manic, Prezidente Asosiasaun Emprezaria Mulher Timor Leste (AEMTL) Herigui Luina Alves, Prezidente Kamara Komersiu Industria Timor-Leste Jorge Manuel de Araujo Serrano, Vise Ministru Komersiu no Industria Domingos Lopes Antunes hodi halo operasaun dahuluk ba Dili-Kupang Indonesia.

23/03/2023, Delta Nova – Diretór Servisu Korporativu ANC Sr. Julião Soares dos Reis no akompaña husi Rekursu Umanu ANC Sr. Fausto Belo partisipa iha Dezaminasaun no Lansamentu Livru kona ba Estudu Avaliasaun ba Rezultadu Programa Fundo de Desenvolvimento do Capital Humano (FDCH) tinan 2015 – 2020 no Aniversáriu FDCH ba dala 12 (23 Marsu 2011-23 Marsu 2023).

20-22/03/2023, Sydney, Australia, Junior Technical Regulator ANC, Mr. Renato Hildebrand da Costa had participated in The 2023 Global Marine Transportation System Cybersecurity (GMTSC) Symposium hosted by the Australian Government, in partnership with Denmark, the Netherlands, Singapore, the United Kingdom and the United States as members of the International Partnership for Maritime Cybersecurity. The objective would bring together government, academia and industry representatives from across the international community to discuss cybersecurity and enhancing cyber resilience in the maritime sector.

<< PREVIOUS PAGE      NEXT PAGE >>