Vaga – Diretur Tekniku (full-time salarial)
Ministru Transporte no Komunikasaun deseju atu halo nomeasaun ba Membru Konselhu Administrasaun Autoridade Nacional de Comunicação (ANC)— Director Tekniku ba Regulasaun nian hodi substituir membru nebe kompleta tiha ona ninian mandatu.
ANC hanesan reguladora sektor komunikasaun nebe toma autoridade merkadu konkorensia ba industri komunikasaun sira iha Timor-Leste ho responsibilidade ba servisu telekomunikasaun, radio, televisaun no Internet.
Anunsiu ida ne’e konvida aplikasaun husi individu sira nebe bele lori ba ANC qualidade hanesan:
1) Komprensaun diak teb-tebes ba aspeitu tekniku telekomunikasaun no questaun regulatorias nian, no mos politika telekomunikasaun rai laran hamutu ho kontestu sira ne’ebe relevante;
2) Komprensaun ba papel ANC no sektor telekomunikasaun ba desenvolvimentu nasional nian inklui nesesidade konsumidores no sidadaun Timor-Leste nian;
Alemde qualidade rua iha leten, aplikante mos tenke prense kriteriu tuir Artigu 7 Decretu-Lei No 15/2012 kona ba Regulamentasaun Sektor Telekomunikasaun hanesan tuir mai:
3) Kandidatu nebe hetan nomeasaun mak ema nebe iha integridade, ho independensia ba ninian hanoin, iha reputasaun diak, no iha kunhesementu profundu ka experiência iha telekomunikasaun, komérsiu, ekonomia, direitu ka jestaun;
4) Kandidatu nebe LA’OS ema ida ho kondisaun, situasaun ka karakter sira tuir mai:
a) Iha, ka iha tinan rua ikus liu ba, qualquer interese financeiru ka interese seluk, direita ka indireita, iha qualquer operador telekomunikasaun nian;
b) Hanesan membru ka kandidatu atual ba eleisaun membru Parlamentu Nasional ka Orgaun poder lokal;
c) Hanesan titulariu ka kandidatu atual ba eleisaun para titular ba kargu iha partidu polítiku registadu;
d) Hanesan ema incapaz ka inimputável tuir definisaun lei;
e) Hanesan kondenadu ba qualquer delito/krimi iha exercício funsaun publiku nian ka iha ofensa kontra patrimóniu iha qualquer país;
f) Atual ka iha okasaun durante tinan tolu ikus liu ba iha situasaun falência (bankrupt) ka insolvência iha qualquer país;
g) Hanesan funsionáriu públiku; ka
h) Hanesan aman/inan, oan, irmaun/irmas, ka spousa ba ema ida deskrita iha alínea a), b) ka c) iha leten.
Oportunidade ne’e nakloke ba ema hot-hotu: feto no mane, no ema ho defisiensia. Kona ba informasaun detallu liu tan no oinsa atu submete aplikasaun, bele hare iha: http://anc.tl/.
Loron ikus atu hatama aplikasaun mak: Sexta-feira, 22 Fevereiru 2019.
Dili, 8 Fevereiru 2019
Gabinete do Ministru MTC
Alvaro da Silva
Chefe Gabinete
Updated on 08/02/2019: Hakarak apply ba vaga ida ne’e? Favor klik iha ne’e.
Updated on 08/02/2019: Notisia Vaga.