22/08/2022, Telemor, Telkomcel, Timor Telecom, ANC liu husi unidade protesaun konsumidor hamutuk ho TANE KONSUMIDOR hala’o vizita kortezia ba operador telekomunikasaun tolu iha Timor Leste hanesan Timor Telecom, Telemor no Telkomcel. Ekipa konjunta ne’e lidera husi Koordenador Protesaun Konsumidor Sr. Nazário M.da C. P. Jerónimo hodi hala’o vizita ba operador sira, objetivu atu avalia prosesu ba kompensasaun konsumidor sira uainhira rede internet monu.
15/08/2022, Suai Room, Timor Plaza, Presidente ANC Sr. João Olívio Freitas akompaña husi Diretur Tékniku Sr. Vidal dos Santos Gomes, partisipa iha semináriu nasional ho topiku Dezenvolvimentu Mídia-Plataforma Dijitál Agora no Futuru Timor-Leste, ne’ebé Ministru Transporte no Komunikasaun S.E Sr. José Agustinho da Silva hanesan orador hodi k-oalia kona ba Rede Fibra Optika Nasional Infrastrutura Estratejiku ba Dezenvolvimentu Dijitál Pais.
10/08/2022, ANC, Ministériu Transporte no Komunikasaun liu husi ANC hala’o enkontru traballu ho operador telekomunikasaun tolu hanesan, Timor Telecom, Telemor no Telkomcel inklui TANE Konsumidor kona ba instabilidade rede móvel.
05/08/2022, Salaun Delta Nova, Diretur Tékniku ANC Sr. Vidal dos Santos Gomes paritisipa iha workshop kona ba peskija online seguru ne’ebé organiza husi Universidade Ocidental Sydney, parseira ho Plan International no ChildFund Australia. Objetivu atu fo evidensia klean relasiona ho oportunidade online, risku no fator protetivu ba labarik no labarik foin sa’e sira hotu iha rejiaun Asia/ Pasifiku liu liu iha Timor Leste.
28/07/2022, Suai Room, Timor Plaza, ANC servisu hamutuk ho JICA, UNTL no ITU realiza seminariu nasional kona ba Girls in ICT Timor Leste ba estudante eskola sekundária públiku no privadu inklui universitariu sira atu enkoraja no hasa’e koñesimentu feto maluk sira iha área siénsia, teknolojia, enginaria no matematika (STEM).
26/07/2022, Salaun Cristal Balide, Diretora Finanças ANC Sra. Georgina Emilia da Silva Garcia ho reprezentante International Telecommunication Union (ITU) Sra. Rury no Cheng Yu, realiza palestra públika ba estudante Eskola Sekundária Cristal kona ba Girls in ICT Timor Leste. Objetivu atu enkoraja estudante sira liu-liu feto atu nune’e wainhira remata estudu iha sekundária bele foti fali área siénsia, teknolojia, engeñaria nomos matématika.
22/07/2022, City 8 Manleuana, Autoridade Nacional de Comunicações (ANC) no Sekretária Estadu Igualidade no Inkluzaun realiza Semináriu Abordajén Jéneru ba funsionariu ANC, ho objetivu atu hasa’e partisipante nia koñesimentu, kompriensaun, abilidade no asesu ba informasaun no formasaun hodi mellora servisu loroloron ne’ebé kontribui ba atinje igualidade jéneru no inkluzaun iha setór komunikasaun.
19/07/2022, ANC, Diretur Tékniku Regulador ANC, Sr. Vidal dos Santos Gomes ho ekipa hala’o Online Workshop ho reprezentante tékniku operadores telekomunikasaun, Timor Telecom, Telkomcel, Telemor no Ceslink kona-ba Mobile Service Registration System (MSRS) ho ekipa DotAsia.
06/07/2022, TradeInvest, Presidente ANC, Eng. João Olivio Freitas akompaña husi Diretur Tékniku ANC, Sr. Vidal dos Santos Gomes, partisipa sesaun konsultasaun planu estratéjiku TRADEINVEST TIMOR LESTE ba tinan 5 husi 2022 to’o 2027, iha salaun enkontru TradeInvest Colmera.
01/07/2022, Salaun enkontru SEII Caicoli, Presidente ANC João Olívio Freitas akompaña husi Diretora Finanças ANC Georgina Emilia da Silva Garcia hala’o enkontru ho S.E. Sekretária Estadu ba Igualidade no Inkluizaun, Sra. Maria do Rosário Fátima Correia, hodi husu Sua. Excêlencia atu paritisipa iha Seminariu Nasional kona-ba ICT for Girls ne’ebé sei realiza iha 20 Jullu 2022. Objetivu ba programa ida ne’e atu halo advokasia hodi haforsa feto sira nia koñesimentu iha ICT, liliu iha siénsia, teknologia, engenharia nomos matématika.
27/06/2022, ANC, Ekipa Ezekutivu Autoridade Nacional de Comunicações (ANC) simu vizita kortezia husi Presidente do Conselho de Administração SACOMTEL, Lda, Dr. Abílio Araújo ho nia ekipa.
23/06/2022, Portugal, Ekipa ANC nain 5 ba tuir formasaun kona-ba "Funcionamento e Organização do órgão, Regulação do Mercado das Telecomunicações, Gestão de Espectro" iha ANACOM Portugal, bazeia ba protokolu kooperasaun teknika entre ANC ho ANACOM ne’ebé asina iha 21 abril 2022. Objetivu husi formasaun ne’e atu eleva koñesimentu funsionáriu sira tuir ida idak nia área espesifíku.
23/06/2022, Salaun enkontru União Europeia Palm Busniss, Surik Mas, Presidente ANC João Olívio Freitas akompaña husi Diretur Tékniku Vidal dos Santos Gomes ho Asesor Jurídiku Adilson Semedo hala’o enkontru trabalhu ho reprezentante União Europeia Mário Mendes Machado kona ba reforsa kapasidade interventiva iha merkadu telekomunikasaun nomos deskute kona ba kooperasaun iha futuru.
15/06/2022, ANC, Ministériu Transporte no Komunikasaun liu husi Autoridade Nacional de Comunicações (ANC) atribui sertifikadu rejistrasaun ba SACOMTEL, Lda ho KACIFIC BROADBAND SATELLITES, UNIPESSOAL, Lda, iha Salaun Enkontru ANC, Caicoli.
13/06/2022, Salaun Konferénsia Ministério Solidaridade Sosiál no Inkluzaun, Caicoli, Presidente Autoridade Nacional de Comunicações (ANC) João Olívio Freitas akompaña husi Diretur Servisu Korporativus, partisipa iha Kolokiu Nasionál kona ba Programa no implementasaun Programa Reforma Administrasaun Públiku 2019 – 2023.
10/06/2022, Gleno, Ermera, ANC sosializa knár no responsabalidade tuir dekretu lei nú. 15/2012 iha Munisipiu Ermera. Objetivu husi sosializasaun ne’e atu hato’o informasaun nesesariu sira hodi tulun populasaun Timor-Leste wainhira utiliza servisu telekomunikasaun.
09/06/2022, Gleno, Ermera, Ekipa Autoridade Nacional de Comunicações (ANC) halo talk show iha Radio Komunidade Kafé Ermera hodi dezamina informasaun ba komunidade sira kona ba knár no responsabilidade ANC tuir dekretu lei númeru 15/2012.
30/05–03/06/2022, Genebra Suiça, Presidente Autoridade Nacional de Comunicações (ANC) partisipa iha World Summit on Information Society (WSIS) Forum 2022 nudar panelista iha “High-Level Policy Session 2: WSIS Action Lines the 2030, Agenda/Inclusiveness, Access to Information and Knowledge for All/Bridging Digital Divides”, no “High-Level Dialogue for Developing Countries (and LDCS)”.
24–26/05/2022, Vilankulo - Moçambique, Diretor do Setor Regulaçao da ANC, Sr. Vidal dos Santos Gomes e Técnico Regulador da ANC, Eng. Pio Tilman Soares, paticiparam do Reunião de Intercâmbio das Autoridades de Comunicações de Lingua Portuguesa "Gestão Racional do Espectro como Instrumento de Promoção da Qualidade de Serviços".
16–20/05/2022, Centro de Convenções de Díli, Caicoli, Autoridade Nacional de Comunicações (ANC) partisipa iha Feira Nasional hodi komemora loron Restaurasaun Independénsia Timor-Leste ba Dala XX ne’ebé ho tema: Liu Husi Komemorasaun Restaurasaun Independénsia Tinan XX Mai ita Hametin Paz no Estabilidade hodi Dezenvolve ita nia Rai Timor-Leste.
19/05/2022, ANC, Ekipa Ezekutivu Autoridade Nacional de Comunicações (ANC) hala’o enkontru ho TANE KONSUMIDOR kona ba protokolu kooperasaun no simu ekipa delegasaun husi DECO (Associação Portuguesa para a Defesa do Consumidor), iha Salaun enkontru ANC, Caicoli.
19-21/05/2022, Cabo Verde, Equipe de Executivo Autoridade Nacional de Comunicações (ANC) participa no XIV Assembleia Geral da Associação de Reguladores de Comunicações e Telecomunicações da CPLP (ARCTEL) e 120 Fórum das Comunicações.
09/05/2022, Salaun MTC, Caicoli, Autoridade Nacional de Comunicações (ANC) realiza serimonia asinatura protokolu kooperasaun ho Associação de Defesa dos Consumidores de Timor-Leste (TANE KONSUMIDOR) ho objetivu prinsipal mak haforsa liu tan servisu atu asegura no defende direitu konsumidores iha asesu no utilizasaun servisu telekomunikasaun.